Khwabon ko silkar barson se chaadar odha hai maine,
Taaron ko silkar mere takiya ko sajaya tumne,
Mere khwabon ko aakhir taaron tak pahuncha hi diya tumne!
Mere bistar ko phoolon ke guldaste se sajaya tumne,
Aankhen jab jab band ki toh mere sapno ko mehekaya tumne!
Meri zindagi bin disha ke lehron se jo takrate jhagadte chali aa rahi thi,
Meri zindagi ki naav ko maksat dekar lehron ke saath behena sikhaya tumne!
Doobte sooraj ki tarah jab mere aatma-sammaan ki roshni doob rahi thi,
Zindagi se thhake haare jab ummeed ki saari goonjaish chhoot rahi thi,
Mere sacche himmat, kala, taakat aur hunar ko darshaya tumne,
Us vishaal sagar me apne bal par tairna sikhaya tumne!
Har sukh ko sambhaalna sikhaya tumne,
Har dukh se sambhalna sikhaya tumne,
Har lamhe me doob jana jo sikhaya tumne,
Ab zindagi kuch is tarah jeena aa raha hai mujhe,
Itni khushiyan bhi sach ho sakti hai, aisa vishvas mera banaya tumne!
Kya tumhare bina me reh paaongi? shayad nahi.
Kya tumse jitna pyar kiya phir kisise kar paaongi? shayad nahi.
Aane wale din hamare liye kya laayenge, ye pata nahi,
Par beete din jitne tumhare sang bitaye, unka koi jawaaab nahi!
Aise tumhare pyar ne pagal banaya mujhe, madira ke bin zindagi me khushiyon se jhoolna sikhaya tumne!
D 🌹